'sang umagang ako'y 'di dapuan ng antok at tulog
At sa paglalakbay ay na-engganyong magbulabog
Ng damdaming lasing sa pagmumuni-muni
Kahit wala namang dapat ipag-senti
Nang makarating sa dakong walang pagsidlan ng lungkot
Inihanda ang sarili't 'sinantabi ang poot
Nakisawsaw ang sariwang hangin, at ang liwanag
Sumilip sa pintuan ng langit ng alindog
Ang hamog na naghahayag, "Minsan pa'y sariwa't bago ka"
Hindi mapigil ang kapangyarihang kumawala
Na wari'y sumulpot sa mga naroroong punla
Sila na nagpapaligo sa sangnilikha
Nakisawsaw ang sariwang hangin, at ang liwanag
Sumilip sa pintuan ng langit ng alindog
Nagbabadya ang mapilit na pagsungaw ng hari
Upang magbigay ng siyà sa bawat may pighati
At magkalat ng pintura at kasiglahan
Sa bawat nalulumbay na nilalang
Ang hamog na naghahayag, "Minsan pa'y sariwa't bago ka"
Hindi mapigil ang kapangyarihang kumawala
Na wari'y sumulpot sa mga naroroong punla
Sila na nagpapaligo sa sangnilikha
0 pambabalahura/papuri (sipsip) sa post:
Post a Comment