Tanaga #3: Hindi Mapamagatan

Nais kong magunita

Kahapong mayro'ng sumpa

Na 'di ka mawawala

Ngunit naglahong bigla.

Aawit na lang ako

Kasabay nitong radyo

Malungkot man ang tono

Matatapos din ito.

Tanaga #2: Antipara

*Nung makita ko ang aking blog, parang medyo nalito ako: may post ba akong may salitang "tanga" ang pamagat? 'Tapos babalikan at iko-confirm. Ahh, "tanaga" pala. Pwamis, last na 'to sa gabing ito, urhm, umaga na pala. (Sinusulit ko lang at bihira ang ganitong kasipagan.)

Mata sa antipara

Bumabalon ng luha

Ayaw mang ipakita

Puso'y nadudurog na

'Di nais mahirapan

Ngunit dama rin naman

Wala na bang paraan

Kundi umiyak na lang?

Tanaga #1: Lagnat-Labnat

Nag-iinit, umaapoy

Mga tuhod at siko'y

Nanginginig, wari mo'y

Halamang nanlalatoy

Giniginaw sa pawis

Nanginginig sa impis

Nitong kumot na tapis

Sa katawang may hapis

*author's note: Haha, trying hard lang, pero ang tanagang ito ay galing sa aking koleksyon na ipinagawa sa amin ng prop ko sa Fil25. At dahil nahalungkat ko minsan sa mga basurahan kong itinatago, ayan, magdusa ang magbabasa.